Алматыда су құбыры желілерінде жоспарлы жұмыстар жүргізіледі, деп хабарлайды «Алматы су» МКК.
Жаңа желілердің қосылуына байланысты 16 мамыр күні сағат 8.00-ден 20.00-ге дейін Әуезов ауданындағы Сайын көшесі – Райымбек даңғылы – Өтеген батыр – Төле би алаңында су беру уақытша тоқтатылады.
16 мамырда сағат 8.00-ден 18.00-ге дейін Түрксіб ауданында Майлин – Мирная – Бұқтырма – Ақкербез көшелері алаңында суық су беру шектеледі.
17 мамырда сағат 8.00-ден 20.00-ге дейін Бостандық ауданында Жароков көшесі – Абай даңғылы – Үлкен Алматы – Сәтбаев көшесінің контурында, сондай-ақ сол уақытта Алмалы ауданындағы Гагарин даңғылы бойынша – Абай даңғылы – Қабанбай батыр – Құлымбетов көшесі – Брусиловский көшелерінде суық су беру тоқтатылады.
Оқи отырыңыз: Су тасқынынан кейін: мамырда Қазақстанда құрғақшылық күтіледі
Бұл көшелер аймағындағы мектептер мен балабақшаларға су автоцистерналармен жеткізіледі.
Жөндеу жұмыстарының уақытылы аяқталуы аталған аумақтардың тұтынушыларын сапалы және тұрақты сумен қамтамасыз етуге мүмкіндік беретіні атап өтілді.
