Алматы метросының 7 станциясында интернетке қосылу мүмкіндігі бар ұялы байланыс іске қосылды, деп хабарлады метрополитеннің баспасөз қызметі. Әзірге ұялы байланыс қызметін бір ғана оператор көрсетеді.
Қазіргі таңда ұялы байланыс "Райымбек", "Жібек Жолы", "Алмалы", "Абай", "Байқоңыр", "Мұхтар Әуезов атындағы театр" және "Алатау" станцияларының платформаларында бар. Дегенмен, таяу уақытта қалған станцияларда да ұялы байланыс іске қосылмақ.
Әзірге қызметті бір ғана ұялы оператор көрсететін болса, метрополитен әкімшілігі өзге байланыс компанияларын да тартуды жоспарлап отыр. Сонымен қатар, интернет пен ұялы байланыс станция платформаларында ғана емес, метро вагондарында да қолжетімді болады.
Оқи отырыңыз: Алматыда жаңа метро желісі қайда салынатыны белгілі болды
