Мегаполисте жол жүру құны тасымалдаушылардың шығындарының өсуіне қарамастан 11 жылдан астам уақыт бойы өзгеріссіз болған. Бұл туралы мәслихаттың VII сессиясында Алматы әкімінің орынбасары Асқар Әмрин мәлімдеді.
"Қазіргі тариф тасымалдаушылардың шығындарын өтемейді, өйткені жол жүрудің нақты құны бекітілгеннен 3 есе қымбат. Осыған байланысты әкімдік ай сайын тасымалдаушылардың шығыстарын субсидиялар түрінде жабуда. 2020-2022 жылдар кезеңінде төленген субсидиялар сомасы 115,8 млрд теңгені құрады", – деді Асқар Әмрин.
Статистикаға сәйкес, өткен онжылдықта көлікте жол жүру бағасы республика бойынша басқа қалаларда бірнеше рет өзгерді. Қазір бір айлық абонементтің құны Өскеменде 9000 теңгеден жоғары, Қарағандыда – 6000 теңгеден төмен, Алматыда – 7500 теңге.
Сонымен қатар, жолаушылардың көпшілігі үшін жол жүру құнының өсуі 20 теңгені құрайды. Қолма-қол ақшасыз төлем әдісін қолданатындар үшін бұл сома аздап өседі. "Алматы көлік холдингі" ЖШС деректері бойынша барлық жолаушылар арасынан шамамен 97%-ға жол жүру ақысын «Оңай» карталарымен, оның ішінде "Оңай" қосымшасында QR-код немесе SMS-хабарлама арқылы төлейді. Жалпы, қоғамдық көлікті күніне 1,4 миллионға дейін адам пайдаланады.
Мегаполистің көлік инфрақұрылымының жүктемесі өте зор, бұл ретте жолдардың жай-күйіне, қала билігі автопаркті жаңартуға ерекше көңіл бөледі.
"Қолма-қол ақшасыз төлеммен 100 теңге және қолма-қол төлеммен 200 теңге мөлшерінде жаңа тарифтерді қолдану биылғы жылы субсидиялар сомасын шамамен 10 млрд теңгеге төмендетуге мүмкіндік береді. Оларды басқа да әлеуметтік маңызы бар жобаларға қайта бөлуге болады", – деді Асқар Әмрин.
Оқи отырыңыз: Үлкен Алматы айналма жолы 21 шілдеден бастап ақылы болады. Жол ақысы қанша?
