Алматыдағы жол жөндеу бойынша ақпарат жарияланатын Telegram каналы ашылды

Telegram платформасында Almaty_Joly жаңа арнасы ашылды. Бұл туралы қала әкімдігі хабарлады. 

Ондағы мәліметтер қалалық мобильдік басқармасы берген өзекті деректер негізінде жарияланады.

"Онда аудандық маңызы бар көшелер мен магистральды жолдарды жөндеу кезіндегі қаладағы көлік қозғалысын ұйымдастыру туралы барлық ақпарат жиналған. Арнадағы мәліметтер қалалық мобильділік басқармасы берген өзекті деректер негізінде жазылады", – делінген хабарламада.

Бұған қоса 2ГИС сервисінде жол жөндеу жұмыстары жайлы ақпарат жазылып отырады. Қолданушылар қосымшадан қаладағы жабылған көшелер мен жол жұмыстарын біле алады.