Экономикалық ресурстардың заңсыз шоғырлануына қарсы іс-қимыл мәселелері жөніндегі ведомствоаралық комиссия Алматы қаласындағы ірі "Барыс-4" базары капиталының үлесі нарықтық құнынан бес есе төмен бағаға сатылғанын анықтады.
Нысанның нарықтық құны 1,5 млрд теңге болса, ол бар болғаны 307 млн теңгеге сатылған.
Биылғы шілдеде сатып алушының атына келісімшартты бұзып, нысанды мемлекетке қайтару туралы иск түскен болатын.
Комиссия 2019 жылы нысан нарықтық бағасы 3 млрд теңге болғанына қарамастан, 601 млн теңгеге сатылғанын анықтады. 2022 жылғы 28 маусымда сатып алушы бұрын алынған ғимарат үшін 2,4 млрд теңге қосымша ақы төлеген.
Прокуратура органдары жалпы саны 8 мыңға жуық Үкімет актілері мен сот шешімдерін зерттеп жатыр. Олардың қатарында мемлекеттік активтерді олигополия пайдасына жекешелендіру және тартып алу деректері бар.
Оқи отырыңыз: ҰҚК экс-басшыларының ісі бойынша шетелден 3 млн доллар қайтарылды
