Алматыда жүк көлігі қағып кеткен 7 жастағы қыз қаза болды

Алматы қаласында жүк көлігінің жүргізушісі жаяу жүргіншілер жолында 7 жастағы қызды қағып кетті. Бұл туралы жергілікті полиция қызметінің кезекші бөлімі хабарлады.

Қайғылы оқиға бүгін, 2 сәуір күні сағат 12:17-де Алматы қаласының Алатау ауданында болған. 

"Renault маркалы жүк көлігінің жүргізушісі жаяу жүргіншілер өткелінде жолдан өтіп бара жатқан жеті жасар қызды қағып кетті. Бала оқиға орнында қайтыс болды. Жол апатына байланысты қылмыстық іс қозғалды", – делінген хабарламада.

Полиция қажет сараптамалар тағайындалғанын мәлімдеді.