Алматыда заңсыз құрылыс жойылды.
Алматыда Кіші Абай көшесі, 190 мекенжайында орналасқан ғимарат бұзылып жатыр, деп хабарлайды Алматының Қала құрылысын бақылау басқармасы.
Жоспардан тыс жүргізілген тексеру кезінде меншік иесінің ешқандай рұқсат құжаттарынсыз нысан салғаны анықталған. Бұған байланысты әкімшілік шара қолданылып, бұзушылықтарды жою туралы нұсқама берілген.
2024 жылғы 22 қарашада Алматының мамандандырылған ауданаралық экономикалық соты ғимаратты бұзу туралы шешім шығарған. Ұзаққа созылған сот процестерінен кейін Алматы қалалық соты 2025 жылғы 2 маусымда алғашқы шешімді өзгеріссіз қалдырды.