Алматы қаласында Нұрғиса Тілендиев көшесі мен солтүстік айналма жолы үлкен Алматы айналма көлік жолына дейін ұзартылады, деп хабарлайды қалалық мобильдік басқарма.
Осы орайда, Алматыны дамытудың бас жоспарына түзету енгізілді.
"Жобалық-сметалық құжаттама 2022 жылға дейін әзірленеді. Оның негізінде Нұрғиса Тілендиев көшесі – 9, ал солтүстік айналма жол 1,2 шақырымға дейін ұзартылады. Мұнымен қатар, көлік жолайырығын салу ұсынылып отыр", – деді басқармадағылар.
Сондай-ақ, Тұрар Рысқұлов даңғылын Фариза Оңғарсынова көшесімен қиылысынан бастап қала шекарасына дейінгі аралығын ұзарту жобасы пысықталып жатыр. Жалпы 2030 жылға дейін Алматы қаласында 38 көше ұзартылатын болады.
Сарапшылар көшелердің бір бөлігін – 2025, ал екіншісін 2030 жылға дейін салуды ұсынды.