Алматыда телефонға қараймын деп жаяу жүргіншіні қаққан автобус жүргізушісі қамауға алынды

Алматыда жаяу жүргіншілер өткелінде қызды қағып кеткен автобус жүргізушісі қамауға алынды, деп хабарлады полиция департаментінің баспасөз қызметі.

Жол-көлік оқиғасы 9 желтоқсан күні таңертең Төле би даңғылы мен Исаев көшесінің қиылысында болған.

"Автобус жүргізушісі жаяу жүргіншілер өткелімен өтіп бара жатқан 2007 жылғы қызды қағып кетті. Жәбірленуші ауруханаға жеткізілді", – деп хабарлады департамент.

Оқи отырыңыз: Әлем бойынша әуе компанияларында 5300-ден астам ұшақ тапшылығы тіркеліп отыр

Оқиға бойынша қылмыстық іс қозғалып, жүргізуші уақытша ұстау изоляторына қамалды. Полиция жүргізушінің телефонға алаңдағанын атап өтті.