2023 жылдың тамызында "Сергек" камераларына түсетін ереже бұзушылықтардың тізімі айтарлықтай кеңейеді. Бұл туралы Kolesa.kz сайтына Алматы полиция департаменті хабарлаған.
Қазір Алматы көшелерінде төбесінде "Сергек" камерасы орнатылған 8 патрульдік көлік жүр. Олар жолда техникалық байқау немесе сақтандыру мерзімі өтіп кеткен, айыппұлдары төленбеген, сондай-ақ ұрланған, іздеуде жүрген немесе жалған нөмірмен жүрген көліктерді анықтай алады.
Ал 2023 жылдың тамыз айынан бастап "Сергек" камералары жолда кетіп бара жатқан көліктердің жылдамдығын өлшейді, тыйым салынған жерде тоқтағаны үшін, сондай-ақ жол қозғалысы ережелерін бұзғаны үшін айыппұл салатын болады. Жол жүру ережесін бұзу туралы барлық ақпарат дереу әкімшілік іс жүргізудің бірыңғай тізілімі жүйесіне жіберіледі.
Оқи отырыңыз: Алматыдағы 150 жаңа "Сергек" камераcы әлі жүйеге қосылмаған
Айта кетейік, қала полициясы патрульдік көліктің төбесіндегі камералардың санын көбейтуді жоспарлап отыр.
