2021 жылы Саин мен Ақын Сара көшесінің арасындағы жерлерді сатып алу үшін республикалық бюджеттен 1,6 млрд теңге бөлінді.
Алматы қаласында метро жұмыстарын жалғастыру үшін қай жерлердің қайтарып алынатыны және осы мақсатқа бюджеттен қанша теңге бөлінгені белгілі болды, деп хабарлайды Krisha.kz.
Саин көшесінің Рысқұлов даңғылымен қиылысқан жерінен бастап Ақын Сараға дейін:
67 жекеменшік иесінің мүлігі құрылыс жүргізу алаңында орналасқан.
- 564 млн теңгеге 17 объект сатып алынды;
- 922 млн теңгеге үйі бар 28 учаскені сатып алу жоспарланып отыр;
- жерді қайтарып алуға қатысты сотта 8 іс жатыр. Сондай-ақ, 14 материал қаралуда;
- 2021 жылы осы жерлерді сатып алу үшін республикалық бюджеттен 1,6 млрд теңге бөлінді.
Абай көшесінің Яссауимен қиылысқан жерінен бастап қала шетіне дейін:
198 жекеменшік иесінің жылжымайтын мүлігі құрылыс жүруі тиіс алаңда тұр.
- 13,8 млрд теңгеге 190 объект сатып алынды;
- мемлекет бір учаскені 52 млн теңгеге сатып алуға дайын;
- сотта жерді қайтарып алуға қатысты 7 іс жатыр;
- республикалық бюджеттен бұл мақсатқа 4 млрд теңге бөлінді.
"Қалқаман" метро станциясының құрылысы:
148 жекеменшік иесінің жылжымайтын мүлігі құрылыс алаңында тұр.
- 124 млн теңгеге 4 объект сатып алынды;
- мемлекет 838 млн теңгеге 129 учаске сатып алуға дайын;
- сотта жерді қайтарып алу бойынша 8 іс жатыр;
- 7 іс қаралуда;
- сатып алу жұмыстарын аяқтау үшін 9 млрд теңге қажет.
Сондай-ақ, әкімдік мамандары Әуезов көшесінің Гогольмен қиылысқан жерінен бастап Райымбекке дейінгі жер мемлекет мүддесі үшін қайтарып алынбайтынын айтты.
