Сот шешімі бойынша тұруға жатпайтын ірі нысан бұзылды. Бұл туралы Алматының қала құрылысын бақылау басқармасы хабарлады.
Меншік иесі «өндірістік орын» мақсаты бар жер учаскесіне алаңы 470 метрге жуық нысан салған, әрі мұнда мемлекеттік қордың жері де ішінара пайдаланылған. Нысан Брюсов көшесі, 4, Скрябин көшесі, 35 қиылысында орналасқан.
Айта кетерлігі, қала құрылысын бақылау басқармасы 2021 жылы меншік иесіне талап арыз беруге бастамашы болды. Содан кейін сот процестері басталды.
"Алматы қалалық сотының 2022 жылғы 27 сәуірдегі қаулысымен бірінші сатыдағы соттың объектіні ішінара бұзу туралы 2021 жылғы 2 қарашадағы шешімі өзгеріссіз қалды", – деп жазылған хабарламада.
2022 жылғы 27 мамырда сот орындаушысы атқарушылық іс қозғады және меншік иесінің атына 2022 жылғы 13 маусымға дейін сот шешімін ерікті түрде орындау туралы хат жолдады, оны меншік иесі орындамады.
Оқи отырыңыз: Соттың шешімімен Алматы тауларындағы заңсыз құрылыс бұзылады
