Алматыда лаңкестік, тонау және басқа да қылмыстардың 1 237 қатысушысы ұсталды

Әуезов, Алатау және Медеу аудандарының аумағы қылмыскерлерден тазартылды, деп хабарлады Алматы қаласы комендатурасының ақпарат орталығы.

Сондай-ақ, "Өжет" ықшамауданы мен Алматы халықаралық әуежайына шекаралас аумақта  лаңкестерден тазарту жұмыстары жүргізілді.

"Лаңкестік, тонау және басқа да қылмыстардың 1 237 қатысушысы ұсталды. 31 атыс қаруы мен 1 мың 428 оқ-дәрі тәркіленді", – деп жазылған хабарламада.

Блок-посттарда 38 адам ұсталған.

"102" басқару пультіне 608 хабарлама, комендатураның call-орталығына жедел әрекет етуді талап ететін  253-і дабыл түскен.

"Барлық хабарлама өңделді", – деді комендатурада.