Алматыда қала маңы автобустары 12 қаңтарда жүре бастайды

Алматыда қала маңы автобустары 12 қаңтарда жүре бастайды. 

"Ертең барлық бағытты, соның ішінде троллейбус, қала маңы автобустарын да іске қосуды жоспарлап отырмыз. Қала маңы автобустары қала мен жақын елді мекендер арасында сағат 9.00-ден 18.00-ге дейін қатынайды. Ал алыстағы ауылдарға әзірге қоғамдық көлік жүрмейді", – деді Алматы қалалық мобильділік басқармасының басшысы Ғани Мырзаханов.

Еске сала кетсек, 11 қаңтарда Алматыда 41 бағыт бойынша қоғамдық көлік шығады. Олар сағат 7:45-тен 20:00-ге дейін жүреді. Қоғамдық көліктердің қозғалыс арасы 20-30 минуттан болады.