Алматыда есірткі арналарын жарнамалап жүрген әйел ұсталды

Алматыда есірткі арналарын көрсететін QR коды бар жарнамаларды жабыстырып жүрген әйел адам ұсталды, деп хабарлайды қалалық ПД баспасөз қызметі.  

Полицияның мәліметінше, жарнамалық материалдарда толық емес жұмыс уақыты ұсынылған жұмыс болған, бірақ тергеу барысында сілтемелер есірткі сатушыларды жалдайтын мессенджерлік арналарға алып келгені белгілі болды.

Азаматшадан ондаған парақша мен хат алысып, тапсырмалар алып жүрген ұялы телефондары тәркіленді.

"Мұндай жарнамаларды жабыстыру – азаматтарды заңсыз есірткі айналымына тартудың қылмыстық тізбегінің бір бөлігі. Біз қала көшелерінде, оның ішінде аулалар мен адам көп жиналатын орындарда бақылауды күшейттік. Азаматтарды қырағы болуға және күдікті сілтемелерге өтпеуге шақырамыз", – деді Алмалы аудандық полиция басқармасының бастығы Мақсат Пшан.

Аталған дерек бойынша сотқа дейінгі тергеу амалдары жүргізіліп жатыр. Күдікті уақытша ұстау изоляторына қамалды.