Алматыда азық-түлік кәсіпорындарының жұмысы қалпына келтіріліп жатыр

Бүгіннен бастап "Барыс", "Алматы 1", "Арыстан" базарлары ашық. 

Алматыда "Ақсай нан", "Рузи нан", "Алматы нан" секілді азық-түлік өндіретін ірі өндірістік кәсіпорындардың жұмысы қалпына келтіріліп жатыр. Бұл туралы қаладағы кәсіпкерлік және инвестициялар басқармасының баспасөз қызметі мәлімдеді.

"Олардың жұмысы тоқтаған жоқ. Бұрынғы көлемде қызметтерін жалғастырып жатыр", – делінген хабарламада.

"Алматы нан" 10 қаңтарда жұмысын бастайды. Алғашқы күндері өндіріс көлемі тәулігіне 10-15 тонна болса, одан кейін 40 тоннаға дейін артады. 

Бүгіннен бастап "Барыс", "Алматы 1", "Арыстан" базарлары ашық. 

"Қалада 44 жанармай құю бекеті ашық. Тағы 25-і жұмысын бастауға дайындалып жатыр. Бензин мен дизель отынының бағасы сақталып тұр. Газ бағасы литріне 70 теңгеге дейін төмендеді", – делінген басқарма хабарламасында.

Алматыда 900-ге жуық дәріхана бар, оның ішінде 264-і – желілік дәріхана. 

"Бүгінде 70 желілік, 40 бөлшек дәріхана бар. 107 дәріхана 8.00-ден 19.00-ге дейін жұмыс істейді. Ал үш дәріхана тәулік бойы ашық. Алдын ала мәліметтер бойынша, тәртіпсіздік кезінде 15 дәріхана зардап шекті", – деді Алматы қалалық кәсіпкерлік және инвестициялар басқармасының баспасөз қызметі. 

 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары