Алматыда 27 наурызда жөндеу жұмыстарына байланысты жарық өшіріледі

Алматыда 27 наурызда жарық өшетін аудандардың кестесі жарияланды. Бұл туралы "Алатау жарық компаниясы" хабарлайды.

Компанияның мәліметінше, өшіру жұмыстары негізінен анықталған ақауларды жоюға бағытталған. Кейбір учаскелерде жөндеу жұмыстары мердігер ұйымдардың күшімен жүргізіледі.

Сағат 08:00-ден 17:00-ге дейін:

• Дүйсенов – Гайдар – Райымбек – Тұрғұт Өзал көшелері аумағында;
• Қалқаман-2 шағынауданы (Жобаланған, Қыдырбеков көшелері, Комсомол тұйығы);
• Қалқаман-2 (3-көше), Таусамалы шағынауданы (Мақатаев, Жұмабаев көшелері);
• "Алатау" бау-бақша қоғамы;
• Дағыстан, Неткалиев, Саран, Айтыков, Шемякин, Гүлсары, Құрманов көшелеріндегі тұрғын үйлер;
• Құлагер шағынауданы (52а үй және Омаров көшесінен батысқа қарай);
• Достық даңғылы бойындағы бірқатар нысандар, соның ішінде ұйымдар мен мекемелер;
• Луганский, Елебеков, Тәттімбет, Сырмақ, Рубинштейн, Каменистая көшелері;
• Яссауи, Манат көшелері;
• Тастақ-1 шағынауданы.

Сағат 09:00-ден 17:00-ге дейін:

• Ақбұлақ, Табиғат, Бөкейханов, Самырсын, Маркелов көшелері;
• Шаңырақ-1 шағынауданы (Өтемісұлы, Қаратау, Егемен, Ақын Сара және басқа көшелер);
• Тимирязев көшесі (52, 54, 54а үйлер);
• Орбита-4 шағынауданы;
• Орталық – Дзержинский – Энергетикалық – Батыс көшелері аралығы.

Қала тұрғындарынан уақытша қолайсыздықтарға түсіністікпен қарау сұралады.