Прямой эфир Новости спорта

Алматы полициясы қызды алып қашу дерегін тексеріп жатыр

Адам ұрлығы расталса, алып қашушылар 4 жылдан 7 жылға дейін бас бостандығынан айырылуы мүмкін

Алматы полициясының баспасөз хатшысы Салтанат Әзірбек қызды алып қашу оқиғасына қатысты айтты. Полиция мәліметінше, аталған оқиғаға қатысты ешкімнен шағым түспеген. 

"Алатау аудандық полиция басқармасы жанындағы полиция бөлімінің мәліметінше, аталған оқиғаға қатысты 102 пультіне өтініш келіп түспеді. Қазір жедел бөлім оқиғаның мән-жайын анықтау үшін тексеру шараларын жүргізіп жатыр. Тәжірибемізге сүйенсек, бұл шығармашылық өнімнің түсірілімі немесе пранк болуы мүмкін. Тексеру шаралары ары қарай да жалғаса береді", – деді Салтанат Әзірбек.  

Азаматтардың адам ұрлағаны анықталса, олар 4 жылдан 7 жылға дейін бас бостандығынан айырылуы мүмкін. ҚР ҚК "Адамды ұрлау" 125-бабында осындай жаза қарастырылған. 


Оқи отырыңыз: Түрмеде жазасын өтеп жатқан әйелдер Наурыз мерекесіне орай алып бауырсақ пісірді


 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары