Алматы оқушылары 12-13 қаңтарда қашықтан оқиды

Бұл күндері колледждің I, II курс студенттері де қашықтан білім алады.

Алматыда ауа райының қолайсыздығына байланысты 12-13 қаңтарда 0,1-11(12) сынып оқушылары мен колледждердің I, II курс студенттері қашықтан оқиды. Бұл туралы Алматы қаласының білім басқармасы хабарлады. 

"Алматы қаласының білім басқармасы ауа райының қолайсыздығына байланысты 2023 жылғы 12-13 қаңтарда 0,1-11(12) сынып оқушылары мен колледждердің I, II курс студенттері қашықтан оқыту талаптары мен ережелеріне сәйкес қашықтан оқытуға көшетінін хабарлайды", – деп жазылған хабарламада.

Астанада 9 қаңтардан бері ауа райының қолайсыздығына байланысты мектеп оқушылары қашықтан оқыту форматына ауыстырылды.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары