Алматы облысының прокуроры түзету мекемесіндегі әйелдердің жағдайымен танысты

Алматы облысы және Жетісу облысы бойынша қылмыстық атқару жүйесі департаментіне қарасты №10 түзету мекемесінде қазіргі таңда 561 әйел түрлі бап бойынша өз жазаларын өтеп жатыр. Оның ішінде айы-күні толған және балалы 32 келіншек арнайы жасақталған "балалар үйінде" отыр.

Осыған орай, Алматы облысының прокуроры Берік Адамов халықаралық мереке қарсаңында әйелдермен жолығып, гүл шоқтарын табыстап, олардың әрқайсысының жағдайымен жеке танысып қайтты.

Сондай-ақ, сотталған әйелдерді жеке-жеке қабылдап, Қазақстан Республикасының қолданыстағы заңнамасының нормаларын түсіндірді. Әйелдер құқықтары бұзылған жағдайда облыс прокуратурасына жүгінуге мүмкіндіктері барын да жеткізді.

Жалпы, қазіргі таңда аталмыш түзету мекемесінде жазасын өтеп жатқан 561 әйелдің әл-ауқаты қанағаттанарлық деңгейде.