Алматы облысының Пенжім ауылында оқушылар арасындағы жанжал жаппай тәртіпсіздікке ұласты

Пенжім ауылында 9 және 10 сынып оқушылары арасындағы кикілжің жаппай төбелеске ұласты, деп хабарлады Алматы облысы полициясы.

Панфилов ауданының орталық ауруханасына 16 жастағы жасөспірім түскен.

"Бұл факт бойынша "Денсаулыққа қасақана ауыр зиян келтіру" бабы бойынша қылмыстық іс тіркелді, жанжал қатысушыларының бәрі айқындалды. Қазіргі таңда жарақат алушының жағдайы тұрақты, қажетті барлық медициналық қызмет көрсетілді", – деп хабарлады облыстық полиция департаменті.

Ауыл тұрғындарымен кездесу болып, түсіндіру жұмыстары жүргізілген.