Боралдайда мопед қарт әйелді қағып кетті.
Алматы облысының Боралдай кентінде мопед жүргізушісі жаяу жүргіншілер өткелінен өтіп бара жатқан қарт әйелді жоғары жылдамдықпен қағып кеткен.
Оқиғадан кейін жүргізуші заттарын жинап алып, жол-көлік оқиғасы болған жерден кетіп қалған.
Алматы облысы полиция департаментінің мәліметінше, жедел-іздестіру іс-шаралары барысында жүргізушінің жеке басы анықталған. Жол апаты салдарынан жаяу жүргінші мен мопедтің жолаушысы түрлі дене жарақатын алып, ауруханаға жеткізілген.
Полиция мопед жүргізушісін жол қозғалысы ережелерін бұзғаны және жол-көлік оқиғасы болған жерден кетіп қалғаны үшін әкімшілік жауапкершілікке тартты.