Әуезов ауданын аралау барысында Алматы әкімі Ерболат Досаев №9 мектеп ғимаратын күрделі жөндеу және сейсмикалық нығайту барысымен танысты, деп хабарлады әкімдіктің баспасөз қызметі.
50 жылдан астам уақыт бұрын салынған 1 200 орындық мектеп ғимараты күрделі жөндеуді қажет етті. 2023 жылғы ақпан айында басталған құрылыс-монтаж жұмыстары бір жылдан кейін аяқталуы керек еді. Алайда мердігер ұйым шартта белгіленген мерзімге сәйкес келмеді. Бүгінгі таңда жұмыс көлемінің 85% ғана орындалды.
"Мерзімның бұзылуына байланысты құрылыс басқармасы мердігерге қатысты оны мемлекеттік сатып алуға қатысы бар жауапсыз қатысушы деп тану және 3 миллион теңге мөлшерінде тұрақсыздық айыбын өндіріп алу туралы сотқа талап арыз берді. Қазіргі уақытта аумақты абаттандыру, спорт залы мен асхананы безендіру жұмыстары жалғасуда. Сонымен қатар бейнебақылау камералары мен өрт қауіпсіздігі датчиктерін орнату қажет", – делінген хабарламада.
Алматы әкімі мердігерге кіреберісті кеңейту, арық жүйесін ұйымдастыру және спорт стадионының негізін қайта құру жұмыстарын жүргізуді тапсырды.
Сонымен қатар Ерболат Досаев жаңа оқу жылы басталғанға дейін жұмыстарды жеделдетуді және жөндеуді аяқтауды тапсырып, материалдардың сапасына және мектептің заманауи жабдықталуына ерекше назар аударды.
