Жоспарлы қозғалыс аралығы 8 минут.
Алматыда №76 жаңа автобус бағыты іске қосылды, деп хабарлады әкімдіктің баспасөз қызметі.
Наурызбай ауданы тұрғындарының көптеген өтініші негізінде қалалық мобилділік басқармасы жаңа тұрақты бағыт ұйымдастырды.
№76 бағыты "Алма Сити-5"ТК" - Алатау даңғылы - Төле би көшесі - Әшімов көшесі - Райымбек даңғылы - Кудерин көшесі - Солтүстік айналым - "Сәлем" базарына қатынайды. "Әділет Авто" ЖШС қызмет көрсетеді.
Бағытта 2023 жылы шыққан ISUZU маркалы 14 автобус жүреді. Мұндағы жоспарлы қозғалыс аралығы 8 минутты құрайды.
