Алдағы екі жылда Алматыда 22 мектеп ашылады

Биыл Президенттің тапсырмасы бойынша "Жайлы мектеп" ұлттық жобасын жүзеге асыру басталды. Бұл туралы Алматы қаласының әкімдігі хабарлады.

Алматы қаласының әкімі Ерболат Досаевтың айтуынша, Алматыда 2024-2025 жылдары 37,1 мың орынды 22 мектеп ашу жоспарланған.

"Бүгінгі таңда 23,1 мың орынды 13 мектептің құрылысы басталды. Жеке инвесторлармен 12 мың оқушы орнына 8 мектеп салуға және сатып алу бойынша меморандумға қол қойылды", – деп жазылған хабарлама.

Сонымен қатар, МЖӘ бойынша 2 мың орынға 1 мектеп салынады. Ерболат Досаев атап өткендей, 2025 жылдың 1 қыркүйегіне қарай оқушы орындарының тапшылығы "басқарылатын" деңгейге дейін төмендетіледі.

Оқи отырыңыз: Бала үшін жеке мектеп дұрыс па, мемлекеттік мектеп дұрыс па?