Альберт Рау мен Дәния Еспаева мәжіліс төрағасының орынбасары болып сайланды

VIII шақырылған парламент мәжілісінің алғашқы отырысында Альберт Рау мен Дәния Еспаева мәжіліс төрағасының орынбасары болып сайланды. 

Екі кандидатты да парламент мәжілісінің төрағасы Ерлан Қошанов ұсынды. Депутаттар бірауыздан Альберт Рау мен Дәния Еспаеваның кандидатурасын жақтап дауыс берді.

Альберт Рау 1960 жылы 1 қыркүйекте Қостанай облысының Валерьяновка ауылында туған. Ақмола облысының әкімі, ҚР Индустрия және жаңа технологиялар бірінші вице-министрі, алтыншы және жетінші сайланған парламент мәжілісінің депутаты қызметін атқарды. 

Дәния Еспаева 1961 жылы 5 наурызда Ақтөбе облысы, Яйсан ауылында дүниеге келген. Парламент мәжілісінің алтыншы және жетінші шақырылымының депутаты болып сайланды. 2019 жылы президенттікке кандидат болды.

---

Оқи отырыңыз: Ерлан Қошанов мәжіліс төрағасы болып сайланды

---

Сондай-ақ, комитет төрағалары сайланды. Олар:

• Аграрлық мәселелер комитетінің төрағасы – Серік Егізбаев;
• Әлеуметтік-мәдени даму комитетінің төрағасы – Асхат Аймағамбетов;
• Заңнама және сот-құқықтық реформа комитетінің төрайымы – Снежанна Имашева;
• Халықаралық істер, қорғаныс және қауіпсіздік комитетінің төрайымы – Айгүл Құспан;
• Қаржы және бюджет комитетінің төрағасы – Мәди Такиев;
• Экология мәселелері және табиғат пайдалану комитетінің төрағасы – Еділ Жаңбыршин;
• Экономикалық реформа және өңірлік даму комитетінің төрағасы – Нұртай Сабильянов.