АКТ терминдерінің қазақ тіліндегі алғашқы сөздігі әзірленеді

27 сәуір 2023, 17:53 Әсел Сарқыт Авторға хат жазу قازاقشا Qaz

Бұл туралы ғылым және жоғары білім министрі Саясат Нұрбек мәлімдеді.

Ғылым және жоғары білім министрлігі Huawei компаниясымен бірлесіп, қазақ тіліндегі алғашқы ақпараттық-коммуникациялық технологиялар терминдерінің сөздігін әзірлеу туралы мәселені пысықтап жатыр. Бұл туралы ғылым және жоғары білім министрі Саясат Нұрбек мәлімдеді.

Сонымен қатар министр қазақстандық студенттер биыл да "Seeds for the Future" әлемдік байқауына қатыса алатынын айтты. Бұл бағдарлама Қытайдағы Huawei ғылыми-зерттеу кампусында тағылымдамадан өтуге және MWC Barcelona 2024 көрмесіне қатысатын ең үздік студенттерді таңдауға мүмкіндік береді.

Студенттерді іріктеу бірнеше кезеңнен тұрады:

мамыр – ЖОО деңгейіндегі іріктеу;
маусым – онлайн сұхбат;
тамыз – Катардағы 8 күндік офлайн курс және Дубайдағы 5 күндік аймақтық лагерь.

Оқи отырыңыз: "Қазақ тіліндегі діни сөздер мен терминдердің орфографиялық сөздігі" жарыққа шықты

Еске салайық, өткен жылдың қыркүйек айында Ғылым және жоғары білім министрлігі мен Huawei Technologies Kazakhstan ынтымақтастық туралы меморандумға қол қойды. Бүгінгі таңда Huawei компаниясы елдегі университеттер базасында 29 АКТ академиясын ашқан. Академияларда 4 мыңнан астам студент оқиды, олардың 600-ге жуығы емтихандарды сәтті тапсырып, IT мамандарының сертификатын алған.

АКТ терминдерінің қазақ тіліндегі алғашқы сөздігі әзірленеді

Бұл туралы ғылым және жоғары білім министрі Саясат Нұрбек мәлімдеді.

Біздің Telegram-каналдағы ең көп оқылған жаңалықтар

Біздің Telegram-каналдағы ең көп оқылған жаңалықтар

Серіктестер жаңалықтары