Барлық жолаушылар пойыздары кесте бойынша жүреді.
Сұраныстың артуына байланысты ұлттық тасымалдаушы Алматыдан Ақтөбе және Нұр-Сұлтан бағыты бойынша қосымша екі коммерциялық жолаушылар пойызын іске қосады, деп хабарлады "Қазақстан темір жолы" ҰК" АҚ баспасөз қызметі.
- №213/214 пойызы Алматы-2 станциясынан 2022 жылдың 9 қаңтарында сағат 12.55-те жөнелтіліп, 11 қаңтарда сағат 07.25-те Ақтөбе қаласына келеді. Пойыз Ақтөбеден Алматыға 11 қаңтарда сағат 19.05-те жолға шығады;
- №215/216 пойызы Алматы-2 станциясынан 2022 жылғы 9 қаңтарда сағат 13.30-да жолға шығады. Пойыз Нұр-Сұлтан-1 вокзалына 10 қаңтарда сағат 11.35-те келеді. Дәл осы пойыз Нұр-Сұлтан қаласынан Алматыға ертең, 10 қаңтарда сағат 16.20-да шығады.
"Пойыздардың қозғалысы қалпына келтірілгенін еске саламыз. Барлық жолаушылар пойыздары кесте бойынша жүреді",– деп жазылған хабарламада.
