Тікелей эфир

Ақтөбе облысында құқық қорғаушылар мыңға жуық киік мүйізін тәркіледі

Жеңіл пайда тапқысы келген азамат енді 5 жылға бас бостандығынан айырылуы мүмкін.

Polisia.kz сайтының хабарлауынша, 61 жастағы ер адам киік мүйіздерін сатып, пайда табуды көздеген. 765 дана киік мүйізі ол жолаушылап мінген Ваз-2110 жеңіл көлігінің жүксалғышынан табылса, тағы 184 мүйіз оның үйінен тәркіленді. Барлығы – 949 дана киік мүйізі алынған.

"Аталған факті бойынша ҚР ҚК-нің 339-бабының 1-бөлігі (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) бойынша сотқа дейінгі тергеу басталды. Осы баптың санкциясы мүлкі тәркіленіп, үш жылдан бес жылға дейінгі мерзімге бас бостандығын шектеу немесе сол мерзімге бас бостандығынан айыру түріндегі жазаны көздейді" делінген сайтта жарияланған хабарламада.


Оқи отырыңыз: Ақбөкен жайлы мәліметтер тұяқты жануарлардың әлемдік көші-қон атласына енгізіледі


 

Біздің Telegram-каналдағы ең көп оқылған жаңалықтар
Серіктестер жаңалықтары