Президент: Ақтауда үкіметтік комиссия жұмысқа кірісті

Комиссияның жұмысы басталғаны туралы президент Қасым-Жомарт Тоқаев Twitter-дегі парақшасында хабарлады.

"Құрамында Президент әкімшілігінің қызметкерлері бар үкіметтік комиссия Ақтауда жұмысқа кірісті. Республикалық оперативтік штаб тұрақты негізде жұмыс істеп жатыр. Комиссияға еліміздегі тұрақтылықты сақтай отырып, туындаған мәселе бойынша өзара тиімді шешім шығару жүктелді",– деп жазды президент.

Сондай-ақ, құқық қорғау органдарына қоғамдық тәртіптің бұзылуына жол бермеу жөнінде тапсырма берілген.

"Демонстранттар жауапкершілік танытып, диалогқа дайын болуға тиіс",– деді президент.