Айыппұл арқалаудан шаршаған азамат 52 камераны сындырып тастаған

Айыппұл арқалап шаршаған азамат бақылау камераларына оқ атып, сындырып тастаған, деп хабарлайды 31 арнаның Информбюро ақпараттық бағдарламасы.

Осылайша Өзбекстан тұрғыны жол ережесін қадағалайтын 52 құрылғыны істен шығарып, қазір істі болып жатыр. 

49 жастағы ер адам Андижан қаласындағы 29 көшенің қиылысын түсіріп тұрған бақылау камераларын бүлдірген. Құрылғыны алыстан пневматикалық қарудан атыпты. 

Осылайша, ол мемлекетке 1 миллиард сум, яғни 40 миллион теңгеден аса шығын келтірген. Айтарлықтай айыппұлды өтеу үшін атқыш халықтан көмек сұрап, үндеу жасады.