Аймағамбетов: Мектеп пен балабақшаларда жаңа жылдық жиындар өткізуге тыйым салынады

Бір сынып деңгейінде болатын шараларға қатысты шешімді мектеп әкімшілігі қабылдайды.

ҚР білім және ғылым министрі Асхат Аймағамбетов мектептерде көпшілік жиналатын кез келген шара өткізуге тыйым салынатынын мәлімдеді.

"Мектептерде таңертеңгілік жиындар мен көпшілік жиналатын шаралар өткізуге тыйым салынады. Бас санитар дәрігердің шешімі бар, біз соған бағынамыз. Сол себепті ертеңгіліктер мен басқа да шаралар өтпейді", – деді Асхат Аймағамбетов сенат кулуарында.

Мұнымен қатар, министр бір сынып деңгейінде болатын шараларға қатысты шешімді мектеп әкімшілігі қабылдайтынын айтты.

Сондай-ақ, ол әзірге "Омикрон" штамына байланысты оқушыларды қашықтан оқу форматына көшіру мәселесінің қаралып жатқан жоқ екеніне тоқталды.

"Әзірге бұл туралы айту ерте, ведомство аралық комиссия шеңберінде жұмыс істейміз. Қазір қандай да бір шешім қабылдау үшін қолда мәлімет жеткіліксіз", – деп қосты Асхат Аймағамбетов.

БҒМ бұл шектеулердің балабақшаларға да қатысты екеніне тоқталды. Десе де ертеңгіліктер әкімшілік пен санитарлық дәрігер келісімімен бір топ деңгейінде ғана өткізілуі мүмкін.

Еске салсақ, министр Асхат Аймағамбетов "Аналар үйінің" арқасында 11 жыл ішінде 121 жетімдер үйінің жабылғанын мәлімдеген еді. 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары