Аида Балаева премьер-министрдің орынбасары қызметіне тағайындалды

Мемлекет басшысының Жарлығы бойынша Аида Балаева ҚР премьер-министрінің орынбасары – мәдениет және ақпарат министрі лауазымына тағайындалды. Бұл туралы Ақорданың баспасөз қызметі хабарлады. 

"Аида Ғалымқызы Балаева Қазақстан Республикасы премьер-министрінің орынбасары – мәдениет және ақпарат министрі лауазымына тағайындалсын", – делінген президент жарлығында. 

Оның кандидатурасына Мәжіліс өз келісімін берді. 

Аида Балаева 2000 жылы Абай атындағы Алматы мемлекеттік университетін, 2007 жылы Қазақ ұлттық аграрлық университетін бітірді. Президент Әкімшілігінің ішкі саясат бөлімінің меңгерушісі, ақпарат және қоғамдық даму министрі, Президент әкімшілігі басшысының орынбасары қызметтерін атқарған. 2023 жылдың қыркүйегінде Мәдениет және ақпарат министрлігін басқарды.