Ахмет Байтұрсынұлын кім жақсы біледі? Шетелдегі қазақтарға арналған байқау

"Отандастар қоры" мемлекет және қоғам қайраткері Ахмет Байтұрсынұлының 150 жылдығына орай жариялаған шетелде тұратын қазақ диаспорасы арасындағы шығармашылық байқауға қатысу үшін жұмыстарды 20 қазанға дейін ғана өткізу қажет.

Байқаудың негізгі шарттары:

• Ахмет Байтұрсынұлының өмірбаяны, шығармашылығы жайлы бейнежазба түсіру және Ахмет Байтұрсынұлының кез келген шығармасынан үзінді оқу;
• "Ахмет.Ұлт ұстазы" телехикаясының негізінде Ахмет Байтұрсынұлының өмірбаяны, шығармашылығы жайындағы тест тапсырмаларын орындау (тест тапсырмасын орындау күні – 20 қазан).

Бейнежазбаға қойылатын талаптар:

• ұзақтығы 5 минуттан кем болмау керек;
• дауыстың ашық, сөздің анық әрі түсінікті шығуы;
• локацияның дұрыс таңдалуы.

Оқи отырыңыз: 

• Қостанай облысында Ахмет Байтұрсынұлының мемориалдық кешені салынады
• Ахмет Байтұрсынұлы: Ғамалыңды түзет. Ретроспективалық сұхбат

Байқауға қатысушылар: мектеп оқушылары және Жоғары оқу орнының студенттері (этникалық қазақтар). Оған қазақ, орыс, ағылшын және түрік тілдерінде қатысуға болады.

"Байқауға жолданатын үзіндіні өзіңіздің Instagram, Facebook немесе TikTok парақшаңызға толық аты-жөніңіз, тұратын еліңіз жайлы мәліметтермен қоса @otandastar_qory – Instagram, @OtandastarQory – Facebook, @otandastarqory – TikTok әлеуметтік желілерінің бірін және #ultustazy150 хэштегін белгілеп салу қажет", – делінген қордың хабарламасында.