Ахмет Байтұрсынұлы, Міржақып Дулатов, Жұмат Шаниннің ескерткіші орнатылады

Қостанай облысының Торғай ауылында Ахмет Байтұрсынұлы мен Міржақып Дулатұлына ескерткіш тұрғызылады, сондай-ақ Алматы қаласында Ахмет Байтұрсынұлына ескерткіш және Жұмат Шанинге бюст орнатылады, деп хабарлады Мәдениет және спорт министрлігінің баспасөз қызметі.

Құрамына белгілі мүсіншілер, суретшілер, зергерлер, ғалымдар мен қоғам қайраткерлері кіретін Монументтік өнер құрылыстарын орнату жөніндегі комиссия республикалық конкурстың қорытындысы бойынша жобалау жұмыстарын қарап, мақұлдады.

Сондай-ақ, Комиссия мүшелері Жамбыл, Қарағанды, Қостанай, Түркістан және Ұлытау облыстары әкімдіктерінің идеялық ұсыныстарын бірауыздан қолдады. Аталған өңірлерде Қазақстанның Халық жазушысы Шерхан Мұртазаға, ақын, мемлекет және қоғам қайраткері Кәкімбек Салықовқа, Нияз батыр Сайдалы Барқыұлына, ІІ Дүниежүзілік  соғыс және еңбек ардагері Жақсыбек Оңшыбаевқа және түрік саясаткері, мемлекет қайраткері Аднан Мендерске арналған ескерткіштерді жобалау жоспарланған.

---

Оқи отырыңыз: Қостанай облысында Ахмет Байтұрсынұлының мемориалдық кешені салынады

---

Комиссия мүшелері Сартай Байжанұлына арналған  "Сартай батыр – мың бала" ескерткішінің  жобалық жұмысын қабылдамады, жоба қайта пысықтауды қажет етеді.