6 млн теңгеден 50 жүлде: Ғалымдар байқауына өтініш қабылдау басталды

Өтініштер бүгіннен бастап 3 желтоқсанға дейін қабылданады.

Ғылым және жоғары білім министрлігі жыл сайынғы "Үздік ғылыми қызметкер" сыйлығына ізденіс конкурсын жариялады, деп хабарлады министрліктің баспасөз қызметі.

Байқаудың қорытындысы бойынша еліміздің үздік ғалымдарына 50 сыйлық тағайындалады. 1 сыйлықтың мөлшері 6 126 000 тенгені (2 мың АЕК) құрайды.

"Конкурстың мақсаты – отандық ғылымның дамуына елеулі үлес қосқан ғалымдар мен ғылыми қызметкерлердің еңбегін көтермелеу", – деп жазылған хабарламада.

Конкурсқа қатысуға өтінімдер министрліктің ақпараттық жүйесі арқылы қабылданады. Өтініш қабылдау мерзімі – 3 желтоқсанға дейін.


Оқи отырыңыз: Қазақстандық ғалымдар қанша жалақы алады?


Үміткерге қойылатын талаптар:

  • Ғылыми жетістіктері ғылыми дәрежесі, ғылыми атағы, ғылыми жарияланымдары мен монографияларының болуы, ғылыми жобалар мен бағдарламаларға басшылық жасау сияқты критерийлер бойынша бағаланады;
  • Соңғы жылы университетте кемінде бір пәнді жүргізіп, сондай-ақ соңғы 3 жылда философия докторы (PhD) немесе сала докторы ғылыми дәрежесі бар кадрларды даярлауы және ғылыми зерттеулердің сапасын, нәтижелілігін және әсерін арттыруға бағытталған қоғамдық жұмысқа қатысуы міндетті;
  • Ғылыми әзірлемелерінің өндіріске енгізілуі бойынша нәтижелерін ұсынуы қажет.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Популярное в нашем Telegram-канале

Серіктестер жаңалықтары