Тікелей эфир

5 елді аралауға болатын Каспий круизі 2023 жылы іске қосылуы мүмкін

Круиз Қазақстан, Түрікменстан, Иран, Әзербайжан және Ресей елдерін байланыстырады.

Каспий айдынында Қазақстанмен қосқанда бес мемлекеттің арасын жалғайтын шеңберлі круиздік маршрут 2023 жылы іске қосылуы мүмкін, деп мәлімдеді ҚР көлік комитеті төрағасының міндетін атқарушы Қасым Тілепов.

"Каспий жағасында круиздік туризмді дамыту бағытында шектесіп жатқан Қазақстан-Түрікменстан-Иран-Әзербайжан-Ресей өз тарапынан тиісті жұмыстарды атқарып, негізгі мәселелердің шешімін тауып жатыр. Мысалы, Ақтау қаласында қонақүйлер бой көтеріп, жағалау абаттандырылған. Маңғыстау облысы мен Ақтау қаласының туризмде әлеуеті зор. Енді круиз лайнерін күтіп отырмыз", – деді Қасым Тілепов. 

Аталған круиз лайнерін Ресей Астрахань қаласында салып жатыр. Круиз лайнері Астраханьнан бастап Ақтау, Түрікменстанның "Аваза" деген демалыс базасына дейін барады.


Оқи отырыңыз: Алакөл, Балқаш әлде Каспий? Қазақстанда көл жағасында демалу қанша тұрады?


"Сондай-ақ, Иранның Намирабад қаласынан ары қарай Бау мен Махачкалаға қатынайды. Осылайша болашақта 5 мемлекетті аралайтын шеңберлі туристік маршрут болады", - деп түсіндірді комитет жетекшісі. 

Біздің Telegram-каналдағы ең көп оқылған жаңалықтар
Серіктестер жаңалықтары