29 бас жылқыны ұрлаған барымташы қолға түсті

8 миллилон теңгенің жылқыларын ұрлап кеткен семейлік қолға түсті деп хабарлады Polisia.kz.

16 мамырда жедел-іздестіру іс-шараларын жүргізу барысында ШҚО ПД Криминалдық полиция басқармасының қызметкерлері Семей қаласы ПБ КПБ-мен бірлесіп, мал ұрлығы үшін екі жыл бойы жауапкершіліктен жалтарған 58 жастағы Семей тұрғынын ұстады.

---

Оқи отырыңыз: Айыппұл артып, жаза күшейсе де, Қазақстанда мал ұрлығы неге тыйылмай тұр?

---

"Қаскөй 2019 жылдың қараша айында Семей қаласының маңынан 42 жастағы шаруа қожалығының иесіне тиесілі 29 бас жылқыны ұрлап, жәбірленушіге 8,1 млн теңге көлемінде шығын келтіргені анықталды", – деді Криминалдық полиция басқармасының бастығы Қайрат Әбдіғалиев.

Тәртіп сақшылары қабылдаған шаралардың нәтижесінде, іздестірілуші ұсталып, қазіргі уақытта уақытша ұстау изоляторына қамалды.