Дүниежүзілік меланома және тері қатерлі ісігіне қарсы күрес күніне орай, 26 мамырда сағат 09.00 – 13.00 аралығында Алматы онкологиялық орталығында ашық есік күні өтеді, деп хабарлады қалалық қоғамдық денсаулық сақтау басқармасы.
Шараның басты мақсаты – тері обырын ерте анықтап, алдын алу.
Алматы онкологиялық орталығының мәліметінше, орталықта тері қатерлі ісігі диагнозымен 3,5 мыңға жуық адам есепке алынған. Сондай-ақ, жыл сайын мыңға жуық аталған диагнозбен есепке қойылады.
Оқи отырыңыз: Қазақстандықтар МӘМС арқылы 30 жастан бастап қатерлі ісік скринингін тегін өте алады
Еске салайық, бұған дейін онкологиялық дерттен болатын өлім-жітім жағынан бірінші орында – тоқ ішек обыры (колоректалды обыр), екінші – өкпе обыры, үшінші – асқазан обыры, төртінші орында сүт безі ісігі тұрғанын жазғанбыз.
