22 қарашадан бастап Алматыда жаңа қоғамдық көлік бағыты жұмысын бастайды

21 қараша 2025, 16:16 Жазира Пірімқұл Авторға хат жазу قازاقشا Qaz

Алматыда №84 жаңа автобус бағыты ашылды.

22 қарашадан бастап Алматы қаласында қоғамдық көліктің жаңа №84 бағыты іске қосылады. Бұл туралы "Алматыэлектротранс" коммуналдық автопаркі хабарлады.

Жаңа бағыт "Мөңке би / Оңғарсынова" аялдамасынан басталып, "№7 қалалық ауруханаға" дейін жүріп, қайтадан бастапқы нүктеге оралады. Кері бағытта қатынайтын №84А автобусы SMALL супермаркетінен шығып, "Мөңке би / Оңғарсыноваға" дейін барып, сол жерден қайта SMALL-ға бағыт алады.

Екі бағытта да барлығы 6 автобус қызмет көрсетеді. Жолаушыларға қолайлы болу үшін қозғалыс аралығы – 20 минут. Автобустар күн сайын сағат 06:00-ден 23:01-ге дейін жүреді.