2024-2025 жылдары Қазақстанда тұрғын үй тапшылығы болуы мүмкін

Қазақстан құрылысшылар одағының болжамынша, биыл күзде құрылыс материалдары тағы қымбаттайды.

ҚазАқпарат агенттігіне берген сұхбатында Қазақстан құрылысшылар одағының басшысы Талғат Ерғалиев құрылыс материалдары нарығындағы өндірістік және сауда-саттық тұрақсыздығына байланысты көптеген компаниялар жоспарларын қайта қарап, құрылыс көлемін қайта есептеп жатқанын хабарлады.

"Сондықтан алдағы уақытта, 2024-2025 жылдары баспана тапшылығы сезілуі мүмкін", – деді ол.

Талғат Ерғалиевтің сөзінше, құрылысқа қажетті негізгі материалдың басым бөлігі сырттан әкелінеді. Яғни, құрылыс материалының бағасы қымбаттай түспек.


Оқи отырыңыз: 


"Кейінгі 7 жылдағы жағдайды қарап, сол арқылы алдағы уақытқа болжам жасасақ, баспана нарығындағы инфляция 12-14% болып, құрылыс материалдарының бағасы кемінде 10-15% қымбаттайтынын көреміз. Сондықтан ахуал тұрақтана қоймайды. Керісінше осы қарқынмен шиеленісуі мүмкін",– деді құрылысшылар одағының басшысы.

Мұндай болжамның мәнін ол былай түсіндірді:

"Ресейге қарсы салынып жатқан санкциялардың құрылыс нарығына түсіретін шынайы салмағын біз тамыз-қазан аралығында сезінеміз. Әзірге материал мен тауардың қоры жеткілікті. Бірақ, шамамен күзден бастап санкциялардың нақты әсерін көреміз. Осы кезде құрылыс бағасы қайта қымбаттайды".

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Популярное в нашем Telegram-канале

Серіктестер жаңалықтары