2023 жылы қазақстандықтар медициналық сақтандыру үшін қанша ақша төлейді?

Әлеуметтік медициналық сақтандыру қоры айлық есептік көрсеткіш пен ең төмен жалақы мөлшерінің артуына байланысты қазақстандықтар 2023 жылы міндетті әлеуметтік медициналық сақтандыру үшін қалай жарна төлейтінін түсіндірді.

Жарна мөлшері:

• Жұмыс берушілер жұмысшылары үшін еңбекақының 3 пайызы мөлшерінде жарна төлейді.
• Азаматтық-құқықтық сипаттағы шарт негізінде жұмыс істейтіндер табысының 2 пайызы мөлшерінде жарна төлейді.
• Жеке кәсіпкерлер ең төмен жалақының 1,4 еселенген мөлшерінің 5 пайызы немесе 4 900 теңге жарна төлейді.
• Өзін-өзі жұмыспен қамтыған азаматтар:

1. Республикалық және облыстық маңызы бар қалалардың тұрғындары 1 АЕК, яғни 3 450 теңге жарна төлейді;
2. Өзге елді мекендердің тұрғындары 0,5 АЕК яғни 1 725 теңге жарна төлейді.

• Жеке төлеушілер үшін жарна мөлшері: 1 ең төмен жалақының 5 пайызы, яғни 3 500 теңге.

Ескерту: 15 жеңілдік санатына кіретін азаматтар үшін жарнаны мемлекет төлейді.

---

Оқи отырыңыз: eDensaulyk: Медициналық деректерді eGov mobile қосымшасынан көруге болады

---