2023 жылы Қазақстанда Материалдық емес мәдени мұра орталығын ашу жоспарланған

Сондай-ақ, биыл "Ортеке" биі ЮНЕСКО-ның мәдени мұралар тізіміне ресми енеді.

Мәдениет және спорт министрлігі 2023 жылы домбыра аспабында орындалатын қазақтың ұлттық "Ортеке" би өнерін де аталған тізімге енгізу бойынша жұмыс жүргізіп жатыр. Бұл туралы министрліктің мәжіліс депутаттарының сауалына берген жауабында айтылған.

Хатта, сондай-ақ қазақтың ұлттық қобыз, жетіген, сыбызғы, шаңқобыз музыкалық аспаптары мен оларда ойнау өнері Қазақстан Республикасының материалдық емес мәдени мұрасының ұлттық тізіміне енгізілді.

"Осы орайда 2023 жылы Материалдық емес мәдени мұра орталығын ашу ұсынысы әзірленіп жатыр. Бұл орталық домбыра теориясын зерттеу мен практикасымен айналысады" делінген министрлік жауабында.


Оқи отырыңыз: "Ортеке" биі ЮНЕСКО-ның материалдық емес мәдени мұра тізіміне енуі мүмкін


Мәдениет және спорт вице-министрі Ержан Еркінбаевтың айтуынша, қазіргі уақытта дәстүрлі күйлер мен әндер, саз аспаптары арнайы музыкалық мектептерде, орта және жоғары оқу орындарында оқытылып, ұлттық өнер иелері мен жанашырларының қатары артып келе жатқанын айтты.

"Artsport бағдарламасы шеңберінде жұмыс істейтін 643 домбыра үйірмесіне 26 388 бала қатысады. Осы тәжірибені мектептерге тарату жұмыстары жалғасады", – деді Ержан Еркінбаев.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары