Қазақстанда 2023 жылдың 1 қаңтарынан бастап заң шығару процесінің мерзімі мен кезеңдері қысқарады. Бұл туралы үкімет басшысы Әлихан Смайыловтың Сенат депутаттарының сауалына берген жауабында айтылған.
Үкімет басшысының жазуынша, "Құқықтық актілер туралы" заңға түзетулер көзделген.
"Заңды іске асыру үшін үкіметтің заң шығару жұмысының қағидаларына өзгерістер енгізілетін болады. Олардың ережелері 2023 жылғы 1 қаңтардан бастап қолданысқа енгізілетін болады. Осы өзгерістерге сәйкес, заң шығару процесінде заң шығару процесінің мерзімдері мен кезеңдері қысқартылады. Нақтырақ айтқанда, 175 күннен 95 күнге дейін, 51 кезеңнен 22 кезеңге дейін қысқарады", – деп жазылған жауапта.
Заң шығару жұмысының тұжырымдамалық жоспарын іске асыру мақсатында Үкімет бір жылға жасалатын заң жобалау жұмыстарының жоспарын бекітеді.
Оқи отырыңыз: Бас прокурор "21+" фильмдер туралы: Мәдениет министрлігі заңның бұзылуына жол беріп отыр
Еске салайық, 2023 жылдың 1 қаңтарынан бастап Парламенттегі заң шығару процесі өзгереді. Енді заңды Мәжіліс қабылдайды, ал Сенат бекітеді. Палаталардың бірлескен отырыстарында Конституцияға енгізілген өзгерістер мен толықтырулар, конституциялық заң жобалары, сондай-ақ президент басым деп жариялаған заңдар қаралатын болады.
