2022 жылы елге оралған қазақтардың 70 пайызы Өзбекстаннан келген

2022 жылғы 1 шілдедегі жағдай бойынша 7 415 этникалық қазақ тарихи отанымен табысып, қандас мәртебесін алды. Жалпы 1991 жылдан бері республикаға 1 миллион 95,3 мың этникалық қазақ оралды, деп хабарлады Еңбек және халықты әлеуметтік қорғау министрлігінің баспасөз қызметі.

Жыл басынан бері Қазақстанға келген қандастардың 70,2 пайызы Өзбекстаннан, 10,4 пайызы Қытайдан, 7,4 пайызы Түрікменстаннан, 3,2 пайызы Моңғолиядан және 8,8 пайызы басқа елдерден қоныс аударған.

Этиникалық қазақтар қоныстанған өңірлер:

• Алматы облысы – 31,6%;
• Маңғыстау облысы – 18,3%;
• Түркістан облысы – 9,8%;
• Жамбыл облысы – 6,3%;
• Алматы қаласы – 5,7%;
• Нұр-Сұлтан қаласы – 7,1%;
• Шымкент қаласы –  8,1%.  

---

Оқи отырыңыз: Қазақстанда қанша қазақ бар?

---

2022 жылғы 1 шілдедегі жағдай бойынша еңбекке қабілетті жастағы этникалық қоныс аударушылар саны 62%, еңбекке қабілетті жастан кіші қоныс аударушылар үлесі – 24,1% және зейнеткерлер үлесі – 13,9%.

Еңбекке қабілетті жастағы қандастардың ішінен білім деңгейі бойынша 11,4%-ы жоғары білімді, 40,3%-ы орта кәсіби білімді, 47%-ы жалпы орта білімді және 1,6%-ның білімі жоқ.