2 балл. Оңтүстік Қазақстан тұрғындары түнде жер сілкінісін сезді

3 қараша 2025, 10:16 Жазира Пірімқұл Авторға хат жазу قازاقشا Qaz

Ауғанстандағы жер сілкінісі оңтүстік өңірлерде байқалды.

Түнгі сағат 01:29-да Қазақстанның оңтүстігінде жер сілкінісі сезілді, деп хабарлады ҚР Төтенше жағдайлар министрлігі.

Сейсмикалық станциялар желісі тіркеген деректерге сәйкес, жер сілкінісінің эпицентрі Алматыдан оңтүстік-батысқа қарай 1079 шақырым қашықтықта, Ауғанстан аумағында орналасқан.

Жер асты дүмпулерінің күші екі балды құрады. Тербелістер Шымкент қаласында және Түркістан облысының бірнеше ауданында сезілді:

Мақтаарал ауданындағы Мырзакент кентінде;
Жетісай қаласында;
Шардара қаласында.

Зардап шеккендер мен қираулар туралы ақпарат түскен жоқ.

Оқи отырыңыз: Түркияда 6,1 балдық жер сілкінісі болды: екі ғимарат қирады