Ақмола облысының полицейлері Алматыда 2012 жылдан бері іздеуде жүрген әйел адамды ұстады, деп хабарлайды Ақмола облысы ПД.
Полиция мәліметінше, ол алаяқтықпен 19,5 миллион теңгеге алды деген күдікке ілінген.
"Бірінші өтініш 2012 жылғы 2 қазанда 37 жастағы жәбірленушіден келіп түсті, ол бейтаныс әйелдің 665 мың теңге сомасында қаражатын алаяқтық жолмен иемденгенін айтты. Іске полицейлер араласып, 13 адам зардап шеккені анықталды. Олардың барлығы – облыс орталығының тұрғындары. Зардап шеккендердің айтуынша, алаяқ олармен кездейсоқ танысқан: ол біреуден пәтер жалдаған, басқаларымен таксиде танысқан. Ол барлығына пәтер сатып алуға көмектесетін қандай да бір мүмкіндіктері бар екенін айтып, өз қызметін ұсынған", – деді Ақмола облысы ПД баспасөз қызметі.
Оқи отырыңыз: 1,1 миллиард теңге жымқырылған: Астана мен Шымкентте пәтерлер мен жеке үйлер тәркіленді
Әйел сол кезден бастап іздеуге берілген. Тек 2024 жылы ғана күдіктінің Алматыда екені анықталды. Белгілі болғандай, ол өз деректерін өзгертіп жіберген.
Қазір күдікті алаяқ қамауға алынды. Іс сотқа жіберілді.
