Қазақстандықтарға 10 сотықтан жер бөлу: инфрақұрылым жүргізуге 4 трлн теңгеден артық қаржы қажет

Жер реформасы жөніндегі комиссияның бірінші отырысында ел азаматтарына 10 сотық жер телімін беру мәселесі көтерілді.

"10 сотық жер телімі бойынша Кодексте жазылған. Ұнай ма, ұнамай ма – беру керек. Ол – Кодекс нормасы. Сондықтан бұл мәселеде барлығын ретке келтірген жөн", – деді Еуропалық құқық және адам құқығы сарапшылық институтының директоры, саясаткер Марат Башимов.

Оған жауап берген Үкімет басшысының орынбасары Ералы Тоғжанов көтерілген мәселе жан-жақты қаралатынын айтты.

Оның сөзінше, 10 сотық жер телімін бөлуге қатысты ең алдымен тиісті жұмыстар атқарылуы керек. Яғни, жер телімі берілетін болса, инфрақұрылымның салынуына ерекше назар аударылуы тиіс.

"Инфрақұрылымның өзін жүргізу үшін орта есеппен 4 трлн теңгеден артық қаражат керек болады. Сондықтан осының барлығын есептеуіміз керек. Бұл бағыттағы жұмыстар бір күнде шешілетін мәселе емес", – деді Ералы Тоғжанов.


Оқи отырыңыз: Ақылбек Күрішбаев: Ауыл шаруашылығы мақсатындағы жерлер тек мемлекет құзырында болуы тиіс


Айта кетейік, бүгін Жер реформасы жөніндегі комиссияның бірінші отырысы өтті. Комиссия әр сенбі сайын отырыс өткізеді.

 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары