Қазақстандағы тұңғыш радионуклидтік терапия бөлімшесі Семей онкоорталығында ашылды

Фотоны ШҚО әкімдігінің баспасөз қызметі ұсынды
Фотоны ШҚО әкімдігінің баспасөз қызметі ұсынды

Республикада жыл сайын қалқанша безінің қатерлі ісігімен ауыратын 600-ге жуық науқас радиойодтерапия жүргізуді қажет етеді.

Семей қаласының Ядролық медицина және онкология орталығында қалқанша безінің қатерлі ісігін емдеудің бірегей, тиімді және қауіпсіз әдісі енгізілді, деп хабарлады Шығыс Қазақстан облысы әкімдігінің баспасөз қызметі.

Радионуклидтік терапияның жаңа бөлімшесінде бірегей радиойодтерапия курсы өткізіледі. Орталық мамандары бүгінгі күні радиойодтерапия метастаздармен және тиреотоксикозбен сараланған қалқанша безінің қатерлі ісігін емдеудің ең тиімді және қауіпсіз әдісі екенін айтты. Әлемдегі терапиялық радиофарпрепараттарды қолданумен байланысты барлық емдік процедуралардың 70%-дан астам үлесі осы әдіске тиесілі.

Бұл әдістің бірегейлігі натрий иодиді I-131 шығаратын бета бөлшектер тіндерге тек 2 мм ғана әсер етеді. Радиацияның бұл түрі басқа органдарға қауіпті емес. Радиоактивті йодтың тек қалқанша безінің жасушаларына әсер етуі радиойодтерапияның негізін құрайды және оның ерекше тиімділігін анықтайды.

"ШҚО – қатерлі ісіктермен сырқаттанушылар саны бойынша алдыңғы орындардағы аймақ. 18 мыңнан астам пациент есепте тұр. Қазақстанда жыл сайын қалқанша безінің қатерлі ісігімен ауыратын 600-ге жуық науқас радиойодтерапия жүргізуді қажет етеді. Мұндай орталықтың ашылуы еліміздің барлық онкологиялық қызметі үшін өте маңызды оқиға. Бізде радиойодтерапия әдісі алғаш рет қолданылады, емдеу Халықаралық хаттама бойынша жүргізіледі", – деді "Қазақ онкология және радиология" АҚ Басқарма төрайымы, Денсаулық сақтау министрлігінің бас онкологы Диляра Қайдарова.


Оқи отырыңыз: 


Аймақ басшысы Даниал Ахметов Семей Ядролық медицина және онкология орталығының іске қосылуы үш кезеңнен тұратынын еске салды. Осы жылдың сәуір айында радионуклидтік диагностика бөлімшесі ашылды, ол емдеуді ауру асқынбай тұрып бастауға мүмкіндік береді. Екінші кезең барысында Радионуклидтік терапия бөлімшесі ашылды. Соңғы кезеңде циклотронды және позитронды-эмиссиялық томографтарды қатарға қосу жоспарланып отыр.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары