Күн тәртібінде – "Бірліктің, татулық пен келісімнің 30 жылы".
Мемлекет басшысы Қасым-Жомарт Тоқаев Қазақстан халқы ассамблеясының жиырма тоғызыншы сессиясын шақыру туралы өкімге қол қойды. Шара 2021 жылғы 28 сәуір күні Нұр-Сұлтан қаласында Назарбаев орталығында өтеді.
"Қазақстан Республикасының Үкіметі Қазақстан халқы ассамблеясының жиырма тоғызыншы сессиясын өткізуді ұйымдастыру жөнінде шаралар қабылдасын", – делінген Ақорда сайтының хабарламасында.
Қазақстан халқы ассамблеясының жиырма сегізінші сессиясы 2021 жылы 11 қаңтарда Нұр-Сұлтан қаласында Бейбітшілік және келісім сарайында өткен болатын.
